السلام عليكم.. صباح الخيرات على جميع من يسمعني.. معاكم محمد المهدي.. وانا بسجلكوا بقالي فترة وبكمل معاكوا وطول الوقت هتلاقوني قدر المستطاع في أي وقت أنا ممكن أكون متاح فيه مع شغلى.. بسجل خواطر بصوتي.. بحاول أوصل رسالة خاصة بخبراتي في الحياة بتعاملاتي اللي أنا استفدته من خلال دراستي, من خلال شغلى أو البيزنس بتاعي.. بوصله لكل اللي بيسمعوني وممكن يستفادوا منها.. ودي خواطر أنا بسجلها بصوتي ممكن تلاقوها وانا في العربية, وانا في شركتي, وأنا في بيتي, وأنا قاعد مع أصدقائي.
في النهاية.. ياريت كل اللي بيسمعني توصله رسالة هادفة يستفاد منها.. تحياتي ليكوا.. واتفضلوا...
السلام عليكم وصباح الخيرات.. أنا في عربيتي في طريقي لمرور العاشر بخلص حاجة في العربية بعمل نقل ملكية من مرور العاشر.. العربية شاريها من العاشر وبعمل نقل ملكية للتجمع الخامس من مرور الشروق.
المهم كان في خاطرة كدة جات على بالي من جوالي شهر ونص حبيت أوثقها لأني مكنتش وثقتها وده طبعا بسسبب النسيان وانتوا عارفين ان النسيان ده فردناله كلام قبل كدة ومواضيع وبرده هنفردله تاني مواضيع لأن النسيان ده حاجة سبحانك ياربي هي بتفرق حاجات كتير في الدنيا عن البشر وبعضها.
لو مفيش واحد عمل الخمس أركان دول (طبعا حج البيت لمن استطاع إليه سبيلا) هيبقى مش من أركان الإسلام مش من الأساسيات.. يعني مينفعش تكون مسلم من غير ماتشهد أن لا إله إلا الله.. مينفعش تكون مسلم من غير ماتكون بتصلي.. مينفعش تكون مسلم من غير ماتكون بتزكي.. مينفعش تكون مسلم من غير ماتصوم رمضان لو أنت عندك المقدرة طبعا مش مريض أو تعبان.. ومينفعش تكون مسلم من غير ماتحج البيت لو كنت مستطيع اللي هو الكعبة.
دي أركان الإسلام وكل الحاجات اللي حوالين الإسلام بعد كدة هي حاجات ليها أخذ ومرد وثواب وعقاب وحساب لكن أساسيات أنك تكون مسلم لازم الحاجات دي..
الكلام ده انتوا مدركينه وعارفينوه مش جديد عليكوا.. طيب ايه اللي أنت عاوز تقوله يا عم محمد من الكلام اللي أنت بتقوله ده.. كنت عاوز أقولكوا إن برده الإنسان حياته مبنية على خمس.. يعني عشان تكون عايش مينفعش تعيش وتكون موجود في الدنيا إلا بخمس حاجات.. لو معملتش الخمس حاجات دي مش هتبقى موجود في الدنيا ولا ليك وجود.. شوفتوا حكمة ربنا.. ودوروا ودققوا وركزوا مش هتلاقوا غير الخمس حاجات دي بغيرهم تقدر تعيش برده أخذ ومرد تقدر تروح وتيجي لكن من غيرهم ولا واحدة فيهم متقدرش تعيش.
1- ينفع تعيش من غير ماتاكل؟
2- ينفع تعيش من غير ماتشرب ؟
3- ينفع تعيش من غير ماتتنفس ؟
4- ينفع تعيش من غير ماتنام ؟
5- ينفع تعيش من غير ماتدخل الحمام ؟.. اللي هي الحاجة الطبيعية البشرية لينا.
أي حاجات تانية هتبص تلاقيها ممكن تزيد وتنقص.. فحكمة ربنا إن الإسلام خمس أركان وإن الحياة عشان تعشها خمس أساسيات برده وأركان.
صباحكم رضا وصباح الفل عليكوا...
By Mohamed Elmahdy
للإستماع إلى الفيديو لهذا الموضوع اضغط هنا
لمتابعة القناة على اليوتيوب اضغط هنا
ولمزيد من المعلومات عن العلاقة بالمحيط اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
