السلام عليكم ورحمة الله وبركاته.. معاكم محمد المهدي مدير مبيعات الشركة العربية للتسويق والخدمات العقارية.. رجعتلكوا تاني وبتكلم معاكوا عن منطقة مهمة جدا في مدينة القاهرة الجديدة والتجمع الخامس هي..
لو اتكلمنا عن النرجس بشكل عام ونعرف مكانها فين في التجمع الخامس.. لو بصينا على الخريطة الموجودة عندنا -خريطة التجمع الخامس- هنلاقي شارع التسعين الجنوبي وهنا منطقة الدون تاون وهنا منطقة الأحياء -هنتكلم عليها بعدين- ومنطقة النرجس لو مشينا لحد شارع التسعين عند صينية اسمها ماونتن فيو هنلاقي النرجس3 في وشنا.
النرجس فيلات متقسم ل3 مناطق وهي مناطق فيلات موجودة في التجمع الخامس ورخصتها بدروم وأرضي وأول وتاني وغرف سطح والمنطقة دي فيها شقق وفيها فيلات خاصة ومناطق من المناطق الراقية جدا جدا جدا في التجمع الخامس لأن فيها حدائق كتير وفيها رسومات معمارية بشكل مميز أوي وفيلات بشكل رائع جدا.
فمنطقة النرجس فيلات فيها شقق وسعر المتر فيها بيتراوح من أول 10000ج لحد 13000ج وفيها لو حاجات على شارع التسعين بيوصل المتر فيها ل15000ج.
منطقة النرجس عمارات على الخريطة جنب مسجد فاطمة الشربتلي والحي التاني والنرجس فيلات.
منطقة النرجس عمارات هي منطقة مميزة جدا لأن مساحات الشقق فيها بيبدأ من حوالي 120م أو 130م ولحد 200م أو 210م, وهي منطقة حيوية جدا وفيها سكان كتير وفيها حركة كويسة جدا.
النرجس عمارات بيبدأ سعر المتر فيها من أول 8000ج لحد 13000ج على حسب التشطيبات والمكان والشغل المعمول فيها بالظبط.
دي منطقة حيوية وبيسكن فيها ناس بنسبة حوالي 40% أو 50% سكن ولو حد عاوز شقق هناك بيبقى استلام فوري .
منطقة امتداد النرجس وهي المنطقة اللي بشاور عليها دي تحت النرجس عمارات على طول وهي منطقة جديدة بدأ فيها استثمار كتير جدا من شركات كتيرة, معمول فيها شقق بتسهيلات على 3سنين و4سنين ومساحة الشقق فيها بتبدأ من أول 150م أو 140م لحد 180م أو 200م.
سعر المتر فيها بيبدأ من 8000ج لحد 10000ج حسب المكان, وهي منطقة يحدها النرجس عمارات وحي 3/4 وجاردينيا هايتس وقريبة من منطقة العمار وشارع التسعين.
احنا اتكلمنا سريعا عن منطقة النرجس وإن شاء الله مكملين معاكوا ونشرحلكوا مناطق كتيرة جدا في التجمع الخامس أو مدينة القاهرة الجديدة في الفترة الجاية.
تحياتي ليكوا.. والسلام عليكم ورحمة الله وبركاته...
By Mohamed Elmahdy
للإستماع إلى الفيديو الخاص بهذا الموضوع اضغط هنا
لمتابعتنا على اليوتيوب اضغط هنا
لزيارة موقعنا العربية للتسويق والخدمات العقارية اضغط هنا
لمزيد من المعلومات عن فيديوهات محمد المهدي اضغط هنا
لمزيد من المعلومات عن عقارات التجمع اضغط هنا
.jpg)
Copy Right 2018
