أعرف تفاصيل البنفسج في التجمع الخامس البنفسج عمارات والبنفسج فيلات

السلام عليكم ورحمة الله وبركاته.. رجعتلكوا تاني.. محمد المهدي.. مدير مبيعات الشركة العربية للتسويق والخدمات العقارية.. 
وزي ما انتوا شايفين خريطة مدينة القاهرة الجديدة التجمع الخامس.. النهاردة هنتكلم عن منطقة جديدة بيسموها الدون تاون بتاع التجمع الخامس يعني وسط لبلد زي مابيقولوا.. المنطقة اللي هنتكلم عليها منطقة مهمة جدا جدا جدا لتميز موقعها والعمار اللي فيها والخدمات المميزة الموجودة فيها.. احنا بنتكلم النهاردة عن منطقة البنفسج بشكل عام.

البنفسج متقسمة لحاجتين:

• منطقة البنفسج عمارات.
• منطقة البنفسج فيلات.

زي ما انتوا شايفين وأنا بشاور على الخريطة دي مدينة القاهرة الجديدة.. لما بحط ايدي هنا هتلاقوها في نص الخريطة بالظبط زي ما قولت الدون تاون.. البنفسج عمارات في المنطقة الخضرة دي والبنفسج فيلات من أول رقم (1) لحد رقم (12) دول 12 منطقة في الفيلات.

منطقة البنفسج عمارات

ترخيصها بدروم وأرضي و4أدوار وغرف سطح, مساحات الشقق فيها بتبدأ من 110م لحد 210م و220م في الغالب, 3شقق في الدور أو شقتين في الدور, نسبة السكن فيها وصل ل60% أو 70%.. الناس سكنوا فيها وقاعدين فيها.

 أسعار متر الشقق فيها بتبدأ من 8000ج أو 7500ج -الحاجات اللي أسعارها قليلة- لحد 10000ج و11000ج لبعض المواقع المعينة وده بيرجع للموقع والتشطيب الموجود نصف تشطيب أو متشطبة بالكامل وواجهة العمارة والحاجات المصروف عليها والمعمولة كويس.

موقعها بالظبط هنلاقيها على التسعين الشمالي والشارع اللي بيودي على واتر واي والرحاب.. اللوكيشن بتاعها مميز جدا.. فوقيها على طول منطقة البنفسج فيلات.

منطقة البنفسج فيلات

ترخيصها بدروم وأرضي ودورين وغرف سطح, وبتتقسم لشقق مساحتها بتبدأ من 200م لحد 250م على حسب مساحة الأرض, تقسيمة الشقة بتبقى جميلة جدا (3ريسيبشن وليفينج و3حمام وغرفة ماستر اللي بيقى فيها الدريسينج والحمام الرئيسي).

أسعار المتر فيها بتتراوح من 9000ج لحد 12000ج و13000ج على حسب المكان والتشطيب والموقع.. احنا بنتكلم عن الشقق العادية مش الفيلات الدوبلكس لأن أسعار المتر فيها المتوسط بيبقى 5000ج و6000ج بس.

مبدأيا أنا النهاردة اديتكوا خلفية عن مكان البنفسج, وأسماء البنفسج عمارات وفيلات, وترخيص الأدوار فيها, سعر متر الشقق فيها.

وأنا دايما بقولكوا وبكرر أي حد عاوز يعرف أي معلومات عن أي شيء يخص مدينة القاهرة الجديدة احنا معاكوا بنساعدكوا داعم ليكوا في إننا نفيدكوا في النقطة دي تحديدا.. دايما بقولكوا لو أنت عاوز تعرف أي معلومة ارجعلي واحنا الشركة العربية للتسويق والخدمات العقارية وده الويب سايت بتاعنا www.alarabia-co.com ادخل على الويب سايت هتشوف حاجات كتير جدا معروضة وإن شاء الله نكون عند حسن ظنكوا.

وتحياتي ليكوا.. ودايما مع بعض.. السلام عليكوا...

By Mohamed Elmahdy

للإستماع إلى الفيديو الخاص بهذا الموضوع اضغط هنا

لمتابعتنا على اليوتيوب اضغط هنا

لزيارة موقعنا العربية للتسويق والخدمات العقارية اضغط هنا

لصفحة الفيس بوك اضغط هنا

لمزيد من المعلومات عن فيديوهات محمد المهدي اضغط هنا

لمزيد من المعلومات عن عقارات التجمع اضغط هنا

لمزيد من المعلومات عن البنفسج فيلات اضغط هنا

لمزيد من المعلومات عن البنفسج عمارات اضغط هنا