السلام عليكم.. في اشراقة جديدة من شهر رمضان.. بتكلم معاكوا النهاردة يا جماعة وبشرحلكوا يعني ايه انت تستطيع؟.. أنا بكلمكوا من البلكونة بتاعتنا معرفش ممكن تسمعوا صوت العصافير أو تسمعوا حاجة.. احنا قبل صلاة العصر تقريبا فجات الخاطرة دي في بالي فحبيت أني اتناقش معاكوا فيها.. يعني ايه انت تستطيع؟..
بصوا يا جماعة.. ركزوا كدة معايا وبراحة خلونا كدة نفكر ونتدبر كدة شوية امور.. في رمضان اللي مكنش بيقرأ قرآن بيقرأ, واللي كان مش بيصلي بإنتظام بيصلي, واللي مش بيصوم اتنين وخميس بيصوم, واللي مبيصلش رحمه بيصل رحمه, واللي بيتعصب وبيتنرفز بيبقى هادي وبيعرف يتعامل مع الناس ونفسه أطول.
أفهم من كدة اننا نقدر.. افهم من كدة اننا عندنا القدرة.. طيب هو احنا اشمعنا في رمضان بس بنقدر نعمل الحاجات الكويسة دي؟.. الصدقات بنطلع, الصيام بنصوم, الصلاة بنصلي, القرآن بنقرأ, الهدوء بنهدى..
هل هو الشيطان؟.. ماشي أنا معاكوا.. ممكن يكون الشيطان محبوس في رمضان لكن احنا كبشر وعقليات وكأنفاس وكطبيعة مش بنقدر نسيطر على نفسنا؟.. ماانت نفسك برده.. النفس والهوى ليها رغبات بيقدر يسيطر عليها كل منا او معظمنا في رمضان.. طيب ليه بعد رمضان مش بنقدر نعمل كدة؟.. طيب أنا مش بقلكوا كدة عشان تقولوا اننا هنعمل كدة في رمضان وعادي بقى مفيش مشكلة المهم نعمل في رمضان.
اننا يا جماعة طالما قدرنا واستطعنا اننا نفعل الشيء واحنا نفس الأشخاص.. اذن نقدر ونستطيع اننا نفعل نفس الشيء بتوقيت مختلف.. بس هو ده ملخص الموضوع وهي دي الخاطرة اللي أنا جاي أقولها وياريت تتدبروا في المعنى ده وتعرفوا كويس أوي أن رب رمضان هو رب باقية السنة.
وكل سنة وأنتوا طيبين ودايما مع بعض بنتكلم في خواطر.. السلام عليكوا...
By Mohamed Elmahdy
للإستماع إلى الفيديو لهذا الموضوع اضغط هنا
ولمتابعتنا على اليوتيوب اضغط هنا
ولمزيد من المعلومات عن اعرف نفسك اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
