السلام عليكم.. معاكوا محمد المهدي.. هتلاقوني بسجل كل شوية خواطر.. الخواطر دي ممكن تكون موجودة وأنا في العربية, وأنا في الشارع, وانا في مكتبي, وأنا في بيتي.. بيجي في ذهني حاجة معينة وعاوز اوصلهالكوا.. بسجلها على طول وبجمعها.. هتلاقيها في مواضيع كتير خاصة بتطوير الذات, خاصة بالعلاقة بالمحيط, خاصة بطرق النجاح, خاصة بأشياء هتنفعنا وهتفدنا كلنا ان شاء الله.. وهتسمعوها دايما في كل الأوقات المختلفة اللي أنا ممكن أسجل فيها.
تحياتي ليكوا.. وأتمنلكوا سماع رسالة هادفة.. اتفضلوا...
النهاردة اليوم العالمي للمرأة .. النهاردة 8/3 بيسموها على مستوى العالم اليوم العالمي للمرأة.
هي المرأة لو هتكلم عليها مش هيكفيني يوم واحد ليها عالمي ولا يوم عيد أم واحد ليها في السنة اللي هو 21/3 .. بصوا يا جماعة انا بسجل الفويس ده او استحضرتني الخاطرة دي وبقول الكلام ده دليل مني على أني فاكر أن النهاردة اليوم العالمي ليها لكن الأهم من كدة اني عاوز أوصل للمرأة.. المرأة دي مين؟.. المرأة دي اللي هي أمي أم كل واحد فينا وكل واحدة بتسمعني.. هي الأم, هي الزوجة, هي الأخت, هي الصديقة أو زميلة العمل, هي المدرسة, هي المهندسة, هي الطبيبة, هي كل شيء في المجتمع.
بصراحة ومن الآخر المرأة هي كل حاجة في حياة الرجل حتى لو مبينلكوش كدة.. حتى لو أفعاله وتصرفاته موصلتش كدة.. في رجالة معندهاش القدرة على التعبير أو غشيمة بالمعنى الفلاحي لكن المرأة ستظل دائما هي كل شيء يحتاجه الرجل بشكل حقيقي.. هي الحنان, هي الحب, هي العطاء.. لو كل واحد فينا فهم وأدرك معنى وجود المرأة في حياته ولمسها بشكل حقيقي هيعرف هي قد ايه مهمة جدا جدا جدا في حياته.. فعشان كدة بقول للرجالة ننزل من البرج العالي بتاعنا ونعترف بقوتنا أن المرأة هي ضلع أساسي في الحياة.
اليوم العالمي للمرأة اتمنى لكل امرأة في هذه الكون ان ترى الحياة بشكل مضيء وأن تستشعر المعنى الحقيقي لحب الرجل المحيط بها ويصل إليها معنى الحب الحقيقي بطريقته.
وأنصح كل الرجال ان يعوا تماما ان المرأة هي جزء أصيل في حياتهم ولهذا أرى دائما ان الرجل والمرأة هم قطبين لنجاح أي شيء على وجه الأرض.
صباحكم رضا وتوفيق وطاقة.. السلام عليكوا...
By Mohamed Elmahdy
للإستماع إلى الفيديو لهذا الموضوع اضغط هنا
لمتابعة القناة على اليوتيوب اضغط هنا
ولمزيد من المعلومات عن العلاقة بالمحيط اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
