1

التعليم في الصغر كالنقش على الحجر


التعليم في الصغر كالنقش على الحجر


السلام عليكم.. صباح الخيرات على جميع من يسمعني.. معاكم محمد المهدي.. وانا بسجلكوا بقالي فترة وبكمل معاكوا وطول الوقت هتلاقوني قدر المستطاع في أي وقت أنا ممكن أكون متاح فيه مع شغلى.. بسجل خواطر بصوتي.. بحاول أوصل رسالة خاصة بخبراتي في الحياة بتعاملاتي اللي أنا استفدته من خلال دراستي, من خلال شغلى أو البيزنس بتاعي.. بوصله لكل اللي بيسمعوني وممكن يستفادوا منها.. ودي خواطر أنا بسجلها بصوتي ممكن تلاقوها وانا في العربية, وانا في شركتي, وأنا في بيتي, وأنا قاعد مع أصدقائي.
في النهاية.. ياريت كل اللي بيسمعني توصله رسالة هادفة يستفاد منها.. تحياتي ليكوا.. واتفضلوا...

أنا وبنتي نور..


صباح الخير على الجميع.. جات في بالي خاطرة كدة وأنا بتناقش مع نور بنتي وأنا بوديها المدرسة.. أولادنا يا جماعة (هفردله الموضوع ده حلقات كتير طبعا عن الأولاد واولادنا ).. هي بتتكلم معايا وبتتناقش معايا.. بتكلم معاها بقولها يا نور اتعلمي اعرفي استفادي بحاجات كتير في حياتك أي معلومة تتقالك هي بتبني شخصيتك فأنتي عشان تبقي فاهمة حاجة معينة في حياتك لازم تتعلميها وأنتي صغيرة عشان تبني شخصيتك.. فردت عليا قالتلي يا بابا أنا لسة صغيرة لما ابقى أكبر أبقى اتعلم.


فخدوا بالكوا أولادنا كلهم بيبقى جواهم نفس الرد متصورين أنهم لما يكبروا هيبقوا فاهمين وهيعرفوا يتعاملوا زي الكبار.. المشكلة أنهم مش هيعملوا كدة.. المشكلة أنهم هيتعلموا وهم صغيرين فلازم نبقى عارفين كويس أوي ان التعليم في الصغر ده شيء أساسي جدا جدا جدا.. هو زي مابيقولوا كدة ان التعليم في الصغر كالنقش على الحجر والتعليم في الكبر كالنقش على الماء.

ولادنا مرايتنا..


في نقطة مهمة تانية .. ولادنا مرايتنا.. يعني بيبص عليك وبيشوفك وأنت بتبقى قدوتك وانت مش حاسس.. فلازم تبقى عارف كويس اوي أن نتاج ما انت عليه الآن هو نتيجة أو جزء كبير منه أنت انعكاس لأهلك.. أنت انعكاس لأبوك وأمك وأنت صغير.


خد بالك الأمور دي كلها نهتم بها عشان لو احنا زعلانين من حاجة موجودة في شخصيتنا دلوقتي نعرف أنها كانت موجودة نتيجة تربية معينة اتربتها أو احتكاك معين احتكيته من صغري.
ومن هنا عاوز أقول يا جماعة الخير.. يا جماعة.. يا كل اللي بيسمعوني.. رجالة.. ستات.. ولادنا أمانة في ايدينا ولازم نبقى فاهمين أنهم انعكاس أو مرايتنا ولازم نبقى عارفين كويس اوي اننا هنبدأ نعلمهم من صغرهم لأن هو ده اللي بيثبت في دماغهم.


وتاني زي ما قولتلكوا وزي ما قالتلي بنتي نور بالظبط.. ان يا بابا لما أكبر هتعلم.. فده مفهوم عند ناس كتير أو عند أولاد واطفال كتير فلازم نبقى عارفين كويس أوي أن لا.. وأنتوا صغيرين لازم تتعلموا أول بأول لن هو ده اللي هيثبت في ذهنهم.


صباحكم رضا.. صباح الفل على الجميع.. تحياتي ليكوا...

By Mohamed Elmahdy

 

للإستماع إلى الفيديو لهذا الموضوع اضغط هنا
ولمتابعتنا على اليوتيوب اضغط هنا
لمزيد من المعلومات عن تطوير الذات اضغط هنا

 

موضوعات ذات صلة:

تنمية بشرية اضغط هنا

كل ما يخص التنمية البشرية اضغط هنا

كلام في البيزنس اضغط هنا

اعرف نفسك اضغط هنا

طرق النجاح اضغط هنا

الطاقة اضغط هنا

العلاقة بالمحيط اضغط هنا

الدعم النفسي اضغط هنا

التعليم في الصغر كالنقش على الحجر

 

Copy Right 2018