العربية للتسويق والخدمات العقارية الأندلس الجديدة شارع التسعين ماونتن فيو

منطقة الأندلس

السلام عليكم ورحمة الله وبركاته.. معاكم محمد المهدي.. مدير مبيعات الشركة العربية للتسويق والخدمات العقارية.. بكلمكم النهاردة وأنتوا شايفين ورايا منطقة اسمها الأندلس.. الأندلس من المناطق الموجودة في التجمع الخامس وهي منطقة مميزة جدا, الرخصة بتاعتها بدروم وأرضي و3أدوار وغرف سطح زي ما أنتوا شايفين ورايا.. ارتفاع الأدوار المبنية بالفعل 3أدوار.. المنطقة دي من المناطق الجميلة والواعدة في التجمع الخامس.

لو بصينا الناحية اللي على ايدي اليمين هتلاقوا في السور ده القطامية جاردينز ووراها القطامية ديونز ودول كمبوندين مشهورين جدا ومعروفين في التجمع الخامس, والكاميرا وهي بتلف هتلاقوا الشغل شغال والناس بتشتغل واللوازم شغالة وأنا باصص دلوقتي على ماونتن فيو -الكاميرا هتلف وهتوريهالكوا حالا-.. ماونتن فيو دي برده من الحاجات المعروفة في التجمع الخامس ومشهورة ومعروفة إن لها أكتر من مكان وأكتر من منطقة.

 اللي أنا حابب أقوله إني بوضحلكوا إن الأندلس شرق دي من مناطق العمارات الرائعة في التجمع الخامس ومستقبلها كويس أوي لإن حواليها كمبوندات كتير.. والأندلس دي جانبها الأندلس عمارات اللي هي الأندلس الجديدة اللي على التسعين والأندلس العائلي اللي هي المساحات الصغيرة ومساحة الأرض فيها من 260م إلى 300م ودي بتبقى مبنية بدروم وأرضي و3أدوار برده بس الشقة بتبقى 120م أو 125م لو عملوا شقتين صغيرين في الدور, إنما في الأندلس شرق اللي بنبص عليها دي الشقة بتبقى مساحتها من أول 150م لحد 185م لأن مساحة الأرض هنا من 450م لحد 520م.

أنا بديكوا خلفية ودي منطقة نزلنا فيها على الواقع عشان نشرحلكوا مناطق التجمع ومناطق العمارات.. مبدأيا دي منطقة احنا بنتكلم فيها وهشرحلكوا بعد كدة الحاجات التانية اللي هي منطقة اللوتس الجديدة, منطقة امتداد النرجس الجديد.. الحاجات دي كلها إن شاء الله هشرحهلكوا وهفسرهلكوا في المرحلة الجاية إن شاء الله.

تحياتي ليكوا.. ومعاكوا محمد المهدي.. ومعانا فيديوهات جاية إن شاء الله.. السلام عليكم...

By Mohamed Elmahdy

للإستماع إلى الفيديو الخاص بهذا الموضوع اضغط هنا

لمتابعتنا على اليوتيوب اضغط هنا

لزيارة موقعنا العربية للتسويق والخدمات العقارية اضغط هنا

لصفحة الفيس بوك اضغط هنا

لمزيد من المعلومات عن فيديوهات محمد المهدي اضغط هنا

لمزيد من المعلومات عن عقارات التجمع اضغط هنا

لمزيد من المعلومات عن الأندلس عمارات اضغط هنا

لمزيد من المعلومات عن الأندلس العائلي اضغط هنا