السلام عليكم ورحمة الله وبركاته.. ازيكوا يا جماعة أخباركوا ايه يا رب تكونوا بخير.. النهاردة جاي أقولكوا كل سنة وأنتم طيبين.. عدى رمضان علينا بسرعة البرق مش زي أي سنة كانت سنة صعبة لكن الحمدلله على كل حال.. داخل العيد وعندنا مشكلة كبيرة بتمر بيها بلدنا مش بس بلدنا لأ العالم كله لكن برده الحمدلله مهما كانت الظروف صعبة والحياة فيها ضغوط.
طبعا المشكلة أو الأزمة اللي هي لسة بنواجهها "أزمة كورونا" اللي موجودة ولسة مستمرة من شهر3 اللي فات وظهرت في مصر والحظر اللي موجود والضغوط اللي اتحط فيها ناس كتير جدا من المصريين بس لازم نستعين بربنا ونقول الحمدلله على كل حال.. جاي أقولكوا أو أقول لكل المصريين كل سنة وأنتم طيبين والمحنة ان شاء الله هتعدي وتتحول لمنحة بس محدش يفقد الأمل في ربنا ولازم ناخد بالأسباب طول الوقت.
وتاني هقول وهفضل أكرر في موضوع العقار لأني بكلمكوا دايما في قصة العقارات الموجودة في القاهرة الجديدة والتجمع الخامس بقول إن العقار يمرض ولا يموت ولو في كود في الفترة دي فهو الكود مقنع, لازم نعرف إن العقار من الحاجات الأساسية في حياتنا زي المأكل والمشرب والمسكن.. وبالتالي فالمسكن من الحاجات المستقبلية فلو في ركود في الفترة دي هيحصل رواج في المستقبل بسبب إن الأمور مكانتش ماشية بشكل طبيعي وحصل تعطش.
أنا مش جاي اتكلم في تفاصيل عقارية كتير النهاردة.. كل اللي حابب أقوله كل سنة وأنتم طيبين وبرده خدوا بالكوا من نفسكوا وخدوا بالأسباب من غير رعب "قل لن يصيبنا إلا ما كتب الله لنا" يعني لا إفراط ولا تفريط.. نخلي عندنا من جوانا يقين ان ربنا سبحانه وتعالى حططنا في اللحظة دي في اختبار معين أو في ابتلاء معين أكيد هيخرجنا منه على خير ان شاء الله.
وأخيرا كل سنة وأنتم طيبين ويا رب السنة دي يكون عيد سعيد علينا.. خدوا حذركوا الأعداد بتزيد في الإصابات ويكون عندنا حرص وناخد بالنا وناخد بالأسباب وبلاش رعب كبير وبلاش تفريط كتير.
واخيرا بشكر كل المتابعين والمشتركين في القناة معايا.. كل سنة وأنتم طيبين.. وكان معكم محمد المهدي.. وتحياتي للجميع.. السلام عليكوا...
By Mohamed Elmahdy
للإستماع إلى الفيديو الخاص بهذا الموضوع اضغط هنا
لمتابعتنا على اليوتيوب اضغط هنا
لمزيد من المعلومات عن فيديوهات محمد المهدي اضغط هنا
لمزيد من المعلومات عن عقارات التجمع اضغط هنا
.jpg)
Copy Right 2018
