كل ما هو غير منطقي يصبح في المستقبل منطقي.. ازاي؟.. أه طيب تيجي نعرف ازاي.. يالا بينا.. اتفضلوا...
السلام عليكم ورحمة الله وبركاته.. اللي أنا قولتله في الأول ان الحاجات اللي مش منطقية ممكن تبقى منطقية.. ازاي هو ده لوجيك؟.. طول ما احنا عايشين عارفين ان الحاجات اللي مش منطقية مش منطقية.. بصوا يا جماعة.. خلينا ناخد مثال عملي برده زي ما ديما بحب اضرب مثال عشان أوصل الصورة اللي عاوز أوصلها وبعد كدة أقول نتحرك ازاي.
الموبايلات أول ما طلعت تفتكروها؟.. التليفزيونات أول ما طلعت تفتكروها؟.. أكيد في مننا يفتكرها.. الكاست أو الراديو أول ما طلع تفتكروه كان عامل ازاي؟.. طيب الدنيا اتطورت ازاي؟.. النهاردة وصلنا للأندرويد اللي هو تدوس على زراير تبقى في كل حتة في العالم.. عاوز تعرف وتتعلم لغة بتعرف تعلم نفسك تدخل على اليوتيوب او جوجل وتعرف أي حاجة.. كل الحاجات اللي مكنتش منطقية بالعلم وبالتطوير وبالإجتهاد أصبحت منطق.. ده مثال كدة بسيط.
طيب وفي الحياة.. في حاجات كتير أوي مش منطقية وبقت منطقية بالتدريب.. يعني لو أنت عاوز تطلع بطل كمال أجسام هتدرب وتتمرن وتجتهد لحد ماتبقى بطل.. أي شيء في الدنيا يا جماعة لو عاوزين نحوله من أنه مش منطقي ويبقى منطقي نقدر نعمله.
الإنسان ربنا سبحانه وتعالى اداله قدرة كبيرة جدا جدا جدا على التطوير لنفسه واداله امكانيات عقلية عالية أوي واداله أحاسيس ومشاعر.. الإنسان مكون من روح وجسد.. الحاجتين دول بيقدروا يعملوا المعجزات.. بيقدروا يعملوا المستحيل.. بيقدروا يعملوا الشيء اللي مكانش منطقي.. اذا ايه؟.. اذا أردنا.. إذا لو أردت أن تصبح شيء ستكونه.
يعني يا جماعة محدش فينا يقلل من امكانيات نفسه ولا حد فينا يتصور أنه ميعرفش يكون أحسن ولا حد فينا يفتكر أنه خلاص مقدر له أنه يبقى بالوضع ده وبالشكل ده ويستسلم للي هو فيه ده.. طول ماانت عندك المقدرة انك تطور من نفسك.. أنك تتعلم جديد.. أنك تستفاد من أي تجربة أنت عايش فيها في حياتك.. طول ماانت حاطط ده في دماغك طول ماانت هتبقى أفضل وأحسن.
مفيش حد في الدنيا بيوصل لأعلى القمة من غير مايطلع درجات السلم.. مفيش حد في الدنيا بيوصل للنجاح من غير مايكون وقع واتكعبل واتحرك ووقع تاني وقام.. مفيش حد في الدنيا بيحقق أي هدف وهو مغمض عينه.. وما نيل المطالب بالتمني ولكن تؤخذ الدنيا غلابة.ز ده معناه ايه؟.. ده معناه اننا لو في حاجة مش منطقية منفتكرش أننا منقدرش نحققها.. لا هنقدر لو عندنا الإستعداد والإرادة لكدة.
خلينا مع بعض ولو أنتوا حابين أو عجبكوا اللي أنا بقوله أو اللي أنا بشرحه ياريت يبقى في دعم لحاجة زي كدة وشكرا جزيلا وتحياتي والسلام عليكم.
By Mohamed Elmahdy
للإستماع إلى الفيديو لهذا الموضوع اضغط هنا
ولمتابعتنا على اليوتيوب اضغط هنا
لمزيد من المعلومات عن تطوير الذات اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
