السلام عليكوا.. معاكوا محمد المهدي مدير مبيعات الشركة العربية.. رجعتالكوا تاني بالفيديو رقم3 اللي على القناة بتاعتنا على اليوتيوب.. بس هتكلم معاكوا النهاردة سريعا في حاجة حصلت في النص.. في حاجة جديدة نزلت في التجمع الخامس في مدينة القاهرة الجديدة وهي الأراضي الخاصة بإمتداد النرجس منطقة الغابة المتحجرة اللي الدولة فتحت فيها قطع أراضي وطرحتها للمغتربين في الخارج.. أنا بس بتكلم وبقول إن المنطقة دي منطقة إن شاء الله واعدة فيها مساحات بتبدأ من 450م لحد 600م.. المساحات دي بتعمل شقتين في الدور فمساحات الشقق هتبقى صغيرة من أول 160م تقريبا لحد 200م.. هيبقى فيها تسهيلات بس الفكرة هي مطروحة دلوقتي وداخل فيها شركات استثمار وبيتعمل حاجة اسمها أوفر بحيث أنها تتباع بالأوفر ده فالمفروض يكون في تناسق عشان متعلاش أسعار الشقق بشكل كبير جدا ومبالغ فيه على العميل العادي اللي عنده استعداد ياخد في المنطقة.
هي ميزة المنطقة إن الموقع بتاعها أو اللوكيشن بتاعها كويس جدا لأنها في منطقة عمرانة أو حيوية.. المنطقة دي بجوار حي 3/4 وبجوار كمبوند الدبلوماسيين وبجوار منطقة النرجس عمارات وقريبة من مسجد فاطمة الشربتلي فهي منطقة أصلا حيوية ومستقبلها جاي وقريبة من الجامعة الألمانية.
هي الفكرة إن أصحاب الأراضي بيطلبوا أوفرات بشكل مبالغ فيه شوية.. هي الطبيعي الأوفر بيبقى مليون جنيه لأنها نازل سعر المتر فيها تقريبا 7700ج بيتحسب بعد كدة النسب اللي بتاخدها الدولة بيوصل تقريبا 8250ج بيدفع 25% من تمنها بقيمة الدولار بما يوازي 18ج والمتبقي بيتقسط على 5سنين وهي ميزتها إن تسهيلاتها على 5سنين.
المهم إن المنطقة دي مستقبلها كويس لأي حد عاوز ياخد في منطقة عمرانة وبشجع فيها شركات الإستثمار إنها تشتغل والعملاء يشتغلوا بس يشتغلوا بسعر متناسب مع العملاء اللي هيشتروا فيها.
أشكركم مرة تانية وإن شاء الله في فيديوهات تانية هتنزل قريب وهنكثف الشغل بتاعنا في الفترة الجاية.. تحياتي ليكوا.. محمد المهدي.. السلام عليكوا...
By Mohamed Elmahdy
للإستماع إلى الفيديو الخاص بهذا الموضوع اضغط هنا
لمتابعتنا على اليوتيوب اضغط هنا
لزيارة موقعنا العربية للتسويق والخدمات العقارية اضغط هنا
لمزيد من المعلومات عن فيديوهات محمد المهدي اضغط هنا
لمزيد من المعلومات عن عقارات التجمع اضغط هنا
.jpg)
Copy Right 2018
