السلام عليكم ورحمة الله وبركاته.. الخبيئة الصالحة.. ايه هي الخبيئة الصالحة وايه هي الحاجات اللي المفروض نعملها عشان تبقى وتتحسبلنا خبيئة صالحة؟.. تعالوا بينا...
السلام عليكم ورحمة الله وبركاته.. الورد والنجيلة والخضار بحبهم ودايما تاني بكرر لو جاتلي اني أطور وسط النحيلة وفي وسط الزرع وفي وسط الخضار هطور على طول.
الخبيئة الصالحة.. بصوا يا جماعة عاوز اقولكوا حاجة مهمة جدا.. في حاجات كتير مابينا ومابين رب العباد سبحانه وتعالى بنعملها مابينا ومابينه هي دي اللي بيسموها الخبيئة الصالحة.. يعني الفعل الذي تفعله في الخفاء صالح هو الخبيئة الصالحة, والفعل السئ الذي لا تفعله في الخباء هو برده الخبيئة الصالحة.
خدوا بالكوا احنا قدام الناس ناس كتير مننا ظاهرين بمظهر رائع.. أول ما حد يتكلم عنه يشوفه يقول الله ده ممتاز ورائع وكويس وفيه مميزات كذا وكذا لكن هل أنت في الحقيقة كدة مابينك وبين ربك, هل فعلا ربنا شايفك كدة, هل انت شايف نفسك عند ربنا كدة, هل أنت لما بتختلي بنفسك مبتعملش حاجات وحشة كتير مابينك ومابين نفسك وتبقى ظاهر قدام الناس كويس, طيب هل أنت مابينك ومابين نفسك مبتعملش أعمال صالحة او بتعمل أعمال صالحة بتعرف كويس أوي ان محدش شايفها إلا رب العباد, هل أنت العبد الذي لا تعلم شماله ما أنفقت يمينه, هل أنت العبد اللي بيصلي وبيتهجد بليل في الخفاء والناس كلها نايمين, هل أنت العبد اللي بتنصح الآخرين بود وبحب حقيقي وبتعمل عمل ابتغاء مرضاة الله, هل أنت العبد اللي بتجبر خاطر الناس لأجل الله سبحانه وتعالى, هل أنت العبد اللي لو احتاجك حد بتسيب كل اللي في ايدك عشان تعمل العمل ده ابتغاء مرضاة ربنا سبحانه وتعالى.
بصوا يا جماعة.. كل واحد فينا محتاج أنه هو يبقى له خبيئة صالحة لأن العمل الصالح الخفي هو ده بجد اللي ربنا سبحانه وتعالى بيتقبله أوي وبيجزي بيه خير أوي وثواب عظيم أوي لأن أنت فعلا عملته بشكل يرضي الله سبحانه وتعالى ابتغاء مرضاة الله ومش منتظر أي حاجة من حد.
أنا بس حبيت أقول الخاطرة دي عشان أوصلكوا معنى الكلمة دي وأقول لكل واحد فينا بيعمل الخير اعمله وأوعى تفكر في ارضاء بشر.. فكر في ارضاء الله سبحانه وتعالى.
أراكم على خير ودايما مع بعض للأفضل.. السلام عليكم...
By Mohamed Elmahdy
للإستماع إلى الفيديو لهذا الموضوع اضغط هنا
ولمتابعتنا على اليوتيوب اضغط هنا
لمزيد من المعلومات عن تطوير الذات اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
