السلام عليكم.. معكم محمد المهدي.. هتلاقوني بسجل كل شوية خواطر.. الخواطر دي ممكن تكون موجودة وأنا في العربية, وأنا في الشارع, وانا في مكتبي, وأنا في بيتي.. بيجي في ذهني حاجة معينة وعاوز اوصلهالكوا.. بسجلها على طول وبجمعها.. هتلاقيها في مواضيع كتير خاصة بتطوير الذات, خاصة بالعلاقة بالمحيط, خاصة بطرق النجاح, خاصة بأشياء هتنفعنا وهتفدنا كلنا ان شاء الله.. وهتسمعوها دايما في كل الأوقات المختلفة اللي أنا ممكن أسجل فيها.
تحياتي ليكوا.. وأتمنلكوا سماع رسالة هادفة.. اتفضلوا...
في العربية وزحمة مدينة نصر.. معايا سوسو وزوجتي.. الزحمة كبيرة أوي أوي أوي.. مصر أمتى هيكون فيها تخطيط وتنظيم.. طرق يخلينا نمشي بإنسياب طبيعي مش نقف في إشارة أكتر من نص ساعة في وقت لسة مجاش أساسا وقت الذروة.. عند مدرسة المنهل الخاصة حضانة ابتدائي اعدادي ثانوي عربي انجليزي مستوى رفيع لغات.. أنا قولت أسجل معاكوا فيديو كدة وانا في الزحمة في مدينة نصر.. ربنا يصلحلنا الأحوال والأزمة دي تفك من عنده..
هنفضل طول عمرنا في مشاكل المرور موجودة عندنا بسبب اننا مبنمشيش بالنظام والسيستم اللي برا.. بنمشي بالتقديرات الجزافية.. كمية زحمة مش طبيعية عشان ناس بتنظم الموضوع بفكرها بهواها.. ازاي أوقف ده شوية وميوقفش ده شوية.. أنا ماشي في شارع مصطفى النحاس زحمة موت.. واقف في اشارة مش في اشارة ودي المشكلة.. واقف بتنظيم عساكر بقالي اكتر من ساعة ونص في حتة نص كيلو.
فأنا مش قادر أفهم بقى أمتى هنتحضر وأمتى هنتقدم وأمتى هيبقى في تنظيم في المرور وهيبقى في نظام احنا ماشيين عليه.
المشكلة الأساسية في ان احنا معندناش سيستم اشارات مظبوط فبتتخلق الزحمة لأننا بنمشي بالتقديرات الجزافية.
تحياتي ليكوا...
By Mohamed Elmahdy
لمتابعة القناة على اليوتيوب اضغط هنا
للإستماع إلى الفيديو لهذا الموضوع اضغط هنا
ولمزيد من المعلومات عن طرق النجاح اضغط هنا
موضوعات ذات صلة:
كل ما يخص التمية البشرية اضغط هنا
.jpg)
Copy Right 2018
