السلام عليكم ورحمة الله وبركاته.. ازيكوا يا جماعة.. كل سنة وأنتم طيبين.. معاكم محمد المهدي.. بهنيكوا النهاردة بشهر رمضان في ظل الأزمة العالمية اللي لسة موجودة طاحنة فينا من شهر مارس.. خلينا نقول ان دي محنة ان شاء الله تتحول للمنحة.. خلينا نقول اني أول مرة يمر عليا الموضوع ده واني مصليش القيام والتراويح في المسجد والمساجد تبقى مقفولة.. الموضوع مؤلم فعلا لكن الله سبحانه وتعالى بيقدر لنا خيرا من هذا او بنتعلم منه شيء هو عاوز يعلمهلنا.
طبعا انتوا عارفين إن مواعيد الحظر دلوقتي بقت من 9م إلى 6ص مدوها ساعة كمان وطبعا أنا بسجل لقناة التجمع الخامس وبتكلم عن التجمع بس في ظل الأزمة دي.. بتكلم عن التجمع وعن كل المصرييين وعن كل المسلمين اللي في العالم بهنيهم بحلول شهر رمضان المبارك والمعظم.
وعندي مقترح كدة لو تقدروا تستغلوه يبقى شيء ايجابي وجيد.. يعني نلم بعضنا كأسرة مع بعض نصلي في البيت نعمل تراويح في البيت نصلي جماعة في البيت, نحس ونحسس نفسنا برمضان وبلمة رمضان ولو حتي متجمعناش بأعداد كبيرة كأسر في عزومات أو قل الموضوع ده بشكل أكبر عما قبله.
نحاول نعمل جروبات خاصة بالعيلة أو خاصة بأصدقائنا او بمعارفنا.. في النهاية يكون كل جروب هدفه حتى لو هنعمله في شهر رمضان فقط لو هنجمع 30 واحد على الجروب ويوميا كل واحد ياخد جزء بشكل عشوائي وبشكل منظم وحد يمسك ادارة الموضوع ده وتختموا القرآن يوميا مرة وتدعوا يوميا بدعاء الخاتمة وتسألوا على بعض وتحطوا أفكار وتعملوا مابينكوا ومابين بعض فوازير رمضان.. يعني مقترح قدر المستطاع يبقى فيه حركة وتسمعوا صوت بعض وتسجلوا فويسات لبعض.. هيبقى جروب خاص بالأحباب أو جروب خاص مش أي حد هيسمعكوا إلا أنتوا بس غير جروبات الفيس اللي بتبقى عامة او في جروبات برده بابليك على الفيس بس أنا بتكلم عن جروب الواتس هيبقى أسرع وأقرب لكل الناس بتسمعه وبتتواصل على الواتس.
على كل الأحوال حبيت أقولكوا كل سنة وأنتوا طيبين.. ان شاء الله نحاول ننزل رسايل شهر رمضان كلمات تعبر عن بعض المعاني اللي احنا عاوزين نفهمها ونعرفها عن رمضان ان شاء الله ولو أي حاجة جددت عن موضوع التجمع وأماكن التجمع أو ما هو جديد أو أي معلومة جديدة عن الحظر هنعرفهلكوا بره ان شاء الله.
تحياتي ليكوا.. شكرا لكل مشتركين القناة وكل من يسمع هذه الرسالة.. نراكم على خير.. كان معكم محمد المهدي.. السلام عليكم ورحمة الله وبركاته...
By Mohamed Elmahdy
للإستماع إلى الفيديو لهذا الموضوع اضغط هنا
لمتابعة القناة على اليوتيوب اضغط هنا
ولمزيد من المعلومات عن العلاقة بالمحيط اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
