السلام عليكم ورحمة الله وبركاته.. يارب متكونوش متضايقين مني ولا حاجة وياريت يكون الكلام بتاعي فيه فايدة بتوصلكوا وبتحقق حاجة معينة كدة أتمنى بجد لأن أنا والله هيبقى بالنسبالي ده شيء بيسعدني جدا لو أي حد استفاد من كلامي أو من نصايحي وكانت بالنسباله طريق يتحرك عليه.
ايوة كل ماتحس إن أنت وقعت اعرف كويس أوي أن أنت بتقرب من أنك تحقق هدفك.. يعني مش أيأس؟.. لأ.. مش أتعب؟.. لأ.. مش يحصلي احباط؟.. لأ.. خلي عندك ثقة في ربنا أولا وثقة في امكانياتك.. كل واحد فينا يا جماعة طول ماهو عايش في حياته هو بيتعلم.. هو بيعرف.. هو بيشوف تجارب آخرين بقى.. قراءات وثقافات هو بيقراها.. تعلم من شيء.. فشل وقع فيه فإستفاد من تجربة معينة فقدر يكون ناجح بعد كدة.. كلها تجارب احنا بنعشها.
الحياة ما هي إلا عبارة عن تجارب والتجارب دي مواقف والمواقف دي بنفهمها وبنستوعبها وبنعشها وبنكمل فيها.. كل واحد يقيس على نفسه أي حاجة في حياته.. يقيس على نفسه شغله.. يقيس على نفسه حبه.. ويقيس على نفسه جواز.. ويقيس على نفسه قدرته على التطوير.. يقيس على نفسه كل المواقف والمناحي في الحياة.
لازم تبقى عارف كويس أوي أنك لو قدرت يكون عندك توجيه سليم من فشلك اعرف كويس أوي أنه في النهاية هتوصل لنجاحك.. ايوة هتوصل لنجاحك.. دايما خلي عندك ايمان وثقة ويقين في الله ويقين انك كل ما أصريت على شيئ فأكيد هتنجح فيه.
لا تيأسوا فإن اليأس خيانة.. ولا تحبطوا فإن الإحباط فشل.. وخد من الإحباط طريقا إلى النجاح فإن النجاح سيصيبك بالسعادة بكل تأكيد.
تحياتي ليكوا ودايما مع بعض.. السلام عليكوا...
By Mohamed Elmahdy
للإستماع إلى الفيديو لهذا الموضوع اضغط هنا
لمتابعة القناة على اليوتيوب اضغط هنا
ولمزيد من المعلومات عن طرق النجاح اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
