تحديات الحياة.. كلمة كبيرة أوي.. كلمة لما حد بيسمعها بيتخض.. طيب تيجوا نعرف ايه هي تحديات الحياة وازاي نقدر نواجهها وايه الحاجات اللي ممكن تظهرلنا في حياتنا ونعديها ونتخطاها.. تعالوا نسمع مع بعض ونعرف لأن الموضوع ده ممكن ياخد مننا سلسلة من حلقات كتيرة أوي.. خلينا نختصره في الحلقة دي وبعد كدة نتفرده في حاجات تانية.. يالا بينا...
السلام عليكم ورحمة الله وبركاته.. شايفين النظر الي ورايا.. شايفين الفيو الجميل اللي ورايا.. البحر, السكون, الهدوء.. البحر ده من الحاجات اللي بيخلي الواحد عنده القدرة على تحديات الحياة.
فشل من تحديات الحياة, احباط من تحديات الحياة.. الشغل اللي أنت بتشتغل فيه والبيزنس بتاعك من تحديات الحياة.. تربية أولادك من تحديات الحياة.. دراستك من تحديات الحياة.. التعامل مع المجتمع والمشاكل اللي بتواجهك فيه من تحديات الحياة.
الحاجات دي كلها بتمثلك تحدي في حياتك والحاجات دي كلها بتتطلب منك عشان تتعايش معها انك تواجهها وانك تعرف تتعامل معاها عشان أي انسان لما بيبقى قدامه تحدي معين من الحاجات اللي بتميزه أنه يقدر يواجه التحدي ده وان الحاجات اللي بتخليه ناجح أنه يقدر يواجه التحدي ده عشان كدة في قواعد أساسية لازم نحطها في حسابتنا واحنا بنواجه التحدي ده لأننا لو حطينها في حسابتنا أي تحدي مهما ان كان نوعه هنقدر نتعامل ونتعايش معاه.
1- انك تعرف كويس أوي إن ربنا سبحانه وتعالى معاك.. ربنا لما خلقنا.. خلقنا عشان نعبده وعشان احنا محتاجنله فبندعيله دايما فلازم نبقى على يقين ان دي أزمة ربنا سبحانه وتعالى ممكن يكون حطك في اختبار.. ممكن يكون بيقولك دور على حلول وممكن يقول خد بالأسباب فتبقى أنت عارف كويس أوي ان ربنا سبحانه وتعالى معاك فيبقى عندك اليقين الداخلي انك مع ماعية الله سبحانه وتعالى.
يبقى أول حاجة لازم نرجع نفكر في ربنا ونتأكد ان ربنا سبحانه وتعالى معانا.
2- انك تهدى وتاخد نفس وتعرف التحدي ده جالك ازاي.. تفصيلته جات منين.. يعني أول ما ظهر وأول مابدأ جالك من أي اتجاه ومين السبب فيه.. يبقى تعرف مسببات التحدي ده وتفهمها كويس أوي وتعرف ازاي جاتلك, وبعد كدة تقدر تحط خطة لمواجهة التحدي ده.. انك تتعامل معاه بشكل فيه خطة.. يعني لما تدرس مسبباته وتعرف جالك ازاي والسبب فيه كان ايه بالظبط.. هل هو تقصير مني.. هل حد جديد دخل عليا.. هل هو تعامل معين حصلي.. هل هو قلة ثقة في عدم تعلم في الشيء فجاتلي وظهرتلي.. فتعرف مسببات التحدي ده وبعد كدة تعمل سريعا كدة خطة لمواجهة التحدي ده.
أساس الخطة دي بعد ماتعرف السبب.. بيقولك اي مرض في الدنيا عشان تعالجه لازم تعرف سبب المرض ايه.. عشان تدي العلاج وتشخص صح فإحنا نعرف مسببات التحدي ونعرف ازاي نخططله ونتعامل ونتعايش معاه.
مهم جدا وأنا بخطط أحط في حساباتي الوقت, الصبر, الهدوء, التكرار, التعامل في أكتر من زاوية وأكتر من اتجاه وأخيرا أبقى عارف كويس أوي ان في النهاية "قل لن يصيبنا إلا ما كتب الله لنا" وبالتالي أبقى من جوايا بستشعر هدوء ونية صافية.. احساس ان ربنا سبحانه وتعالى واقف معايا واحساس ان مهما فات من الوقت ومن صعوبات فأكيد "إن بعد العسر يسر".
بصوا يا جماعة الحياة مليئة بالتحديات ولكن اذا أردنا أن نتعايش ونتعامل معاها نستطيع.. ربنا سبحانه وتعالى لما خلقنا.. خلقنا عندنا قدرة على التعامل مع حاجات كتيرة أوي في ضغوط كتيرة وفي مواقف كتيرة.. نحتاج بس نعرف قيمة قوتنا الحقيقية ونعرف ازاي نتعايش ونتعامل مع الحاجات دي.
ان شاء الله ربنا يعينا كلنا لأننا كلنا بنواجه تحديات في حياتنا وان شاء الله هنتكلم عن كل موضوع في موضوع التحديات دي بتفصيلتها وممكن نفردلها حلقات في المستقبل ان شاء الله وحلول الحاجات دي بالتفصيل.. احنا اتكلمنا بإطار عام وبخطة عامة وكلام ظاهره انه ممطوط لكن لو دققنا فيه هنعرف كويس أوي ان الحاجات دي بداخلها حلول حقيقية.
تحياتي ليكوا.. والسلام عليكم ورحمة الله وبركاته...
By Mohamed Elmahdy
للإستماع إلى الفيديو لهذا الموضوع اضغط هنا
ولمتابعتنا على اليوتيوب اضغط هنا
لمزيد من المعلومات عن تطوير الذات اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
