السلام عليكم يارب تكونوا بخير دايما يا رب واحنا لسة في رمضان وبنسجل فيديوهات وفويسات وان شاء الله هطلع معاكوا بشكل قريب.. أنا النهاردة جاي اتكلم عن الأندلس1 والأندلس2.. كان حد من اللي متابعني أو المتابعين طلب ان اتكلم عنها بالتفصيل.. يالا بينا...
يا رب تكونوا بخير.. معاكوا محمد المهدي.. كنت بتكلم عن الأندلس1 والأندلس2.. أولا بس تعالوا نعرف مكانهم على خريطة القاهرة الجديدة والتجمع الخامس.
منطقة الأندلس1 والأندلس2 لو بصينا عليها هنلاقي تقريبا الحد الشرقي الشمالي بتاعها هو شارع التسعين الجنوبي وهنلاقي الحد الغربي القبلي هو الأندلس شرق وشارع الجامعات والمعاهد.. كدة اللوكيشن بتاع الأندلس1 والأندلس2.
لو بصينا على المنطقتين دول يا جماعة هنلاقيهم أنهم اطرحوا نزلوا وكان السعر المتر فيهم تقريبا 4000ج اتدفع تمنهم على أقساط لمدة 3سنين كان 4500ج وهو دلوقتي خالص التمن والمهلة بتاعتها آخر السنة دي المفروض ممكن يدوا مهلة سنة كمان عشان الخدمات لكن مهلتهم تعتبر آخر 2020.
عبارة عن أراضي عمارات رخصتها بدروم وأرضي وأول وتاني وتالت وغرف سطح.. المناطق اللي هي الأندلس2 دي ترخيصها شقتين في الدور والأندلس1 ترخيصها 3شقق في الدور.
ده تقريبا اللوكيشن والترخيص والمساحات بتاعتها.
لو بصينا هنلاقي الأراضي دي زي ماقولتلكوا خالصة التمن.. تمنها تقريبا في الدولة مثلا لو ضربنا 4500ج في مساحة أي أرض هنعرف التمن بتاع القطعة مثلا بيبقى عامل 2مليون ونصف أو 3مليون حسب المساحات وفي 2مليون وربع حسب المساحات.
طيب والأفرات بتاعتها.. الفرات بتاعت الأندلس1 والأندلس2 بيبقى المتوسط من أول مليون ونصف أوفر في الأسعار والأيام دي لأن الأوفرات كانت أكتر من 2مليون بس دلوقتي ممكن تلاقي حاجة بمليون ونصف أوفر لحد 6مليون أو 7مليون أوفر على حسب موقعها على التسعين ولا لأ.. فأقل قطعة أرض هتلاقيها بمليون ونصف أوفر واعلى قطعة أرض هتلاقيها 6مليون.. الغالبية العظمى هتلاقي الأوفرات 2مليون ونصف أو 3مليون او 3مليون وربع.. دي الأوفرات بتاعتها.. 2مليون في الحدود دي الغالبية العظمى.. وفي الحالة دي لو أنت بتشتري بعد وكالة وتوكيل ادارة وعقد بيع موثق, وسعر الأرض المتر بيبدا فيها من 7000ج أو 8000ج أقل قطعة أرض لحد 15الف جنيه اللي على التسعين.
ده بالنسبة لمنطقة الأندلس1 والأندلس2 زي ما كان حططهالي وبيسأل فيها أرجو اني أكون اتكلمت عنها.
بالنسبة للشقق في المكان ده سعر المتر فيها بيبدأ لو كاش لأن في ناس بتعمل فرص في الأندلس1 والأندلس2 ممكن يبدأ من 5500ج أو 6000ج الناس دي بتبيع كاش أو فرص أو بتبيع نظام اتحاد ملاك لكن السعر الطبيعي بتاعها اللي هو تسهيلات على 3سنين أو 4سنين بيبدأ من 7000ج إلى 9000ج للمتر بتدفع مقدم 25% وتقسط الباقي على 3سنين أو 4سنين ودي بترجع على حسب الشركات وجودتها وقوتها وسمعة الشركة اللي عاملة الشغل ده وفي نفس الوقت تقسيمة الشقة ونسبة الخدمات وكل الكلام اللي كنا اتكلمنا فيه قبل كدة.
أرجو اني أكون وصلتلكوا معلومات عن الأندلس1 والأندلس2 وهنتكلم في حاجات تانية كتير في الفترة الجاية ان شاء الله.
تحياتي ليكوا وأراكم على خير دائما يا رب.. وكان معكم محمد المهدي.. وبشكركم على الإشتراك والمتابعة للقناة.. السلام عليكم...
By Mohamed Elmahdy
للإستماع إلى الفيديو الخاص بهذا الموضوع اضغط هنا
لمتابعتنا على اليوتيوب اضغط هنا
لمزيد من المعلومات عن فيديوهات محمد المهدي اضغط هنا
لمزيد من المعلومات عن عقارات التجمع اضغط هنا
.jpg)
Copy Right 2018
