السلام عليكم.. يارب تكوا بخير وكل عام وانتوا بخير ورمضان كريم.. معاكوا محمد المهدي وبسجلكم موضوع جديد بحاول نتكلم فيه ونتحرك فيه وبنحاول كلنا نساعد بعض في الإتجاه ده.. بسجل على قناة التجمع الخامس.. النهاردة هنتكلم عن حاجة مهمة جدا في حياتنا..
الواحد فينا ممكن تحصله مشكلة في حياته.. طيب أنا ممكن اعمل ايه لما تحصلي المشكلة.. يالا بينا نتكلم ونشوف هنتعامل مع الموضوع ده ازاي وايه النقط المهمة اللي المفروض نتعامل بيها في حدوث أزمة أو مشكلة في حياة كل واحد فينا.
يعني ما سبب حدوث الأزمة او المشكلة.. يعني لازم ابقى عارف ايه السبب لازم اشخصها.. أي حد فينا لما بيتعب أو بيمرض لما بيجيله أي مرض معين بيروح للدكتور فبيشخصله الحالة.. لو أنت معرفتش ايه سبب المشكلة يبقى مش هتعرف تحلها, وبالتالي مهم جدا انك تشخص المشكلة وتعرف سبب حدوثها ايه وتدور على الأسباب براحة وبهدوء.
يعني توصيفها بشكل سليم.. يعني ايه؟.. يعني لازم توصف المشكلة وتقول المشكلة دي اسمها السليم ايه.. يعني مينفعش يبقى عندي مشكلة معينة وأوصفها وأشخصها غلط.. بمعنى ايه؟.. إن أنت لما تحددها وتحددها بإسمها الصحيح هتعرف مدي حجمها يعني هتديها حجمها الطبيعي.. متكبرهاش وتضخمها أزيد من اللازم وهي مش مستهلة, ومتقللهاش وتسهلها أكتر من اللازم وهي مستهلة.. فمهم جدا إنك تديها حجمها الطبيعي.
من خلال بقى ايه؟.. خبرات سابقة حصلت لأشخاص آخرين وخرجوا منها.. ماذا فعلوا؟.. يعني المفروض يبقى عندك من الذكاء والحكمة أنك تستفاد من خبرات الآخرين.. متبدأش تدور من أول وجديد.. لأ.. اعرف إن اللي حصلهم أكيد المشكلة دي محصلتش ليك أنت أول واحد في حياتك.. أكيد حصلت لناس غيرك سواء كانوا قريبين منك أو سواء كان ناس مشهورين أو معروفين أو سواء كان ناس تقدر تبحث عنهم.. وبالتالي مهم جدا إنك تدور على خبرات الآخرين لأن الخبرة دي هتقربك وتسهلك طرق الحل الخاصة بمشكلتك.
بشكل مؤقت والتعامل معه بحكمة وهدوء.. يعني لازم يكون عندك صبر على المشكلة دي أو الأزمة دي.. لازم يبقى عندك القدرة على التعايش معها برضا بشكل مؤقت.. أنت لو حصلتلك مشكلة مش هتفضل عايش فيها طول العمر.. أكيد هي بتاخد وقتها وبتنتهي فأنت لازم تبقى عارف كويس أوي هتنتهي وبالتالي يبقى عندك هدوء نفسي وصبر على الإبتلاء اللي ربنا سبحانه وتعالى حطك فيه فن أنت ممكن تكون بيحصلك الموضوع ده أو الأزمة دي عشان إما اختبار أو زيادة صداقتك ومعدنك.
فلازم تدور على أكتر من حل.. متبقاش بتبص على حل واحد بس ومفيش إلا هو وهو ده بس وبالتالي الموضوع بالنسبالك هيبقى متعب جدا ومرهق.. ليه؟.. لأن انت هتبقى واقف مكانك ومش شايف إلا إن هو ده الحل الوحيد وبالتالي لو مكانتش في نتيجة ايجابية هيحصلك نوع من أنواع الإحباط, عشان كدة لازم تدور على اكتر من حل وأكتر من طريقة لمواجهة الأزمة دي.
يعني لو كل واحد فينا حط أكتر من حل وحاول يجربه حتى لو فشل الحل ده يدور على حل تاني .. فشل الحل ده يدور على حل تاني.. يحط سيناريوهات بديلة بحيث أنه يوصل في النهاية لحل هذه الأزمة أو المشكلة.
يعني أنت تستفاد في خبرتك بقى.. يعني انت تكون حصلت الأزمة وتعايشت معاها وقعدت وشوفت مشكلتك كانت ايه وحلتها ازاي وتعاملت معاها ازاي.. لازم تبقى حاطط لنفسك خطة وتكون حاطط وفاكر سيناريوهات الأزمة دي حصل فيها ايه وفي الآخر تقدر تحط لنفسك حلول وتخزنها عندك بحيث لو حصلت المشكلة دي تاني انت بالطبع عندك الحلول لأنك مريت بالتجربة دي قبل كدة.
وهي تامن حاجة وأخيرا وهي دي مش أخيرا ولا حاجة دي دايما في البداية والنهاية دائما وابدا تكون النقطة دي معاك.. من خلال الدعاء, من خلال الإستغفار, من خلال الرجوع لربنا, ومن خلال تكرار الدعاء لربنا سبحانه وتعالى, من خلال احساسك إن ربنا سبحانه وتعالى ويقينك الداخلي إن ربنا سبحانه وتعالى هيساعدك وهياخد بإيدك.
أرجو اني أكون وضحتلكوا في النقط دي ازاي لو حصلتلك أزمة أو مشكلة في حياتك تقدر تتعامل معاها.
تحياتي ليكوا.. وأنا بسجل الفيديو ده في قناة التجمع الخامس للناس كلها مش بس لأهل وسكان التجمع الخامس وهسبلكوا حالا النقط دي مكتوبين بحيث لو حد عاوز يعملهم اسكرين شوت أو حد عاوز يخزنهم عنده يبقوا موجودين في ذاكرته أو يحفظهم على الموبايل بتاعه.
تحياتي ليكوا.. كان معكم محمد المهدي.. وشكرا لإشتراكم ومتابعتكم للقناة...
By Mohamed Elmahdy
للإستماع إلى الفيديو لهذا الموضوع اضغط هنا
لمتابعة القناة على اليوتيوب اضغط هنا
ولمزيد من المعلومات عن طرق النجاح اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
