السلام عليكم.. صباح الخيرات على جميع من يسمعني.. معاكم محمد المهدي.. وانا بسجلكوا بقالي فترة وبكمل معاكوا وطول الوقت هتلاقوني قدر المستطاع في أي وقت أنا ممكن أكون متاح فيه مع شغلى.. بسجل خواطر بصوتي.. بحاول أوصل رسالة خاصة بخبراتي في الحياة بتعاملاتي اللي أنا استفدته من خلال دراستي, من خلال شغلى أو البيزنس بتاعي.. بوصله لكل اللي بيسمعوني وممكن يستفادوا منها.. ودي خواطر أنا بسجلها بصوتي ممكن تلاقوها وانا في العربية, وانا في شركتي, وأنا في بيتي, وأنا قاعد مع أصدقائي.
في النهاية.. ياريت كل اللي بيسمعني توصله رسالة هادفة يستفاد منها.. تحياتي ليكوا.. واتفضلوا...
صباح الخيرات.. جات خاطرة كدة على بالي فعاوز أترجمها بشكل تستوعبوه.. احيانا بيبقى جوانا خدوا بالكوا كلام عاوزين نطلعه بس مش عارفين نطلعه بشكل اللي قدامك يستوعبه بسهوله.. بس عاوزكوا تركزوا معايا والموضوع لو وصلكوا هيفرق معاكوا في حاجات كتير في حياتكوا.
بصوا يا جماعة كل واحد فينا نتاج ما يريد من الآخر.. حتى ان كان ما يريد غير مباشر أو غصب عنه.. بمعنى ايه؟.. كل واحد فينا لو عنده شيء معين وهدف معين في حياته هيقدر يحققه.. بمعنى ايه تاني؟.. بإختصار كدة .. محمد صلاح قبل مايكون محمد صلاح لو جيتوا سألتوه كان نفسك تبقى ايه وهو صغير هيقولكوا كان نفسي أبقى لاعب كورة زي ميسي أو زي رونالدو ماهو كان لسة صغير بقى وكان ميسي ورونالدو صغيرين او زي ماراندونا.. كان هيقولك نفسي أبقى لاعب كورة عظيم ويسميلك اسم, أي ممثل لو جيت تسأله كان نفسك ايه وانت صغير هيقول كان نفسي ابقى فنان زي فلان.
المقصد من الموضوع يا جماعة أنت نتاج ما تريد إذا أردته.. وإذا ما تؤده فانت نتاج ما تريد.. يعني من الممكن ان يكون جواك حاجة انت مش عاوزها لكن طول الوقت موجودة جواك في ذهنك وفي تفكيرك فتصبح حقيقة.
يا جماعة في نقط احنا مش بناخد بالنا منها.. اللي هي ايه؟.. أنت طول الوقت ممكن تكون بتتناقش وبتتكلم .. ركزوا كدة وانتوا بتتكلموا.. نوع الإتجاه بتاع كلامكوا ايه؟.. هل هو كلام نقد بتنتقد كل شيء وخلاص؟.. ولا هو كلام مش عجبك شيء معين فبتتكلم فيه؟.. ولا هو انت بتحاول قدر الإمكان كلامك يبقى في اتجاه ان الظروف ملخبطة او الدنيا متلخبطة؟..
الموضوع اللي عاوز اوصلهولكوا وبإختصار ان انت نتاج ما تريد, وما تريده هنا ممكن تريده بشكل مباشر ومحدد هدف وبتحققه وما تريده هنا ممكن يكون حاجة انت مش عاوزها بس هي المعتقد موجود جواك.
يعني طول ما أنت طول الوقت بتفكر في حاجات سلبية الناتج هيكون سلبي.. طول ما اللي جواك طاقة سلبية الناتج هيكون فراغ.. طول ما أنت بتملى نص الكوباية أو الكوباية بحاجات مش ايجابية الكوباية هتتملي بتراب أو بحاجات تانية مش ايجابية.
فلازم طول الوقت واحنا شغالين يا جماعة نشتغل على نفسنا في اننا نزود كل ما هو ايجابي سواء كان الإيجابي ده كلامنا العادي الطبيعي اللي احنا بنتكلمه في الحياة, سواء كان الإيجابي ده مواقفنا اللي نعيشها مع الآخرين, سواء كا الإيجابي ده الحاجة اللي بنقوم بها حالا أو اللي بنشعرها حالا.
خدوا بالكوا.. كل حاجة بتوظف أي اتجاه لنجاحه هي مشاعرك.. لو مشاعرك ايجابية و وجيدة ولو مشاعرك سليمة ولو مشاعرك سعيدة.. كل شيء هتوظفه صح.
افتكروا كدة لما بتصحى من النوم الصبح وبتحس بسعادة باقية اليوم كله بيبقى سعيد معاك ولو صحيت من النوم من الصبح بتحس بأريفة باقية اليوم كله بيبقى مأريف معاك.
خلونا ندور على اللي يسعدنا ونبحث عنه.. بلاش نجري ورا أي حاجة بتتعسنا وفي الآخر ونفتكر أننا هنبقى كويسين من جوانا.. حول ما هو تعيس في حياتك إلى سعادة.
صباحكم رضا.. السلام عليكم...
By Mohamed Elmahdy
للإستماع إلى الفيديو لهذا الموضوع اضغط هنا
لمتابعة القناة على اليوتيوب اضغط هنا
ولمزيد من المعلومات عن طرق النجاح اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
