هنشرح النهاردة منطقة من اهم المناطق التجارية فى العاصمة الادارية الجديدة وهى منطقة الداون تاون اللى اخدت شهرة سريعة جدا ونزل فيها مشاريع كتير ونزل فيها اسعار مختلفة وجدال كبير جدا حصل للمنطقة فى اقل من 3 او 4 شهور تقريبا
هنتكلم عن منطقة الداون تاون وهى هتكون من اهم المناطق التجارية مستقبلا ان شاء الله
- هنتكلم عن مكان او موقع ولوكيشن منطقة الداون تاون هى فى المرحلة الاولى للعاصمة الادارية هى متحددة بالظبط فى منطقة المستثمرين منطقة الداون تاون تعتبر امتداد طبيعى للحى الحكومى ليها شوية مميزات اهمها انها موجودة على محور بن زايد الشمالى بتبدأ من محور بن زايد الشمالى هى مدخل الحى الحكومى يعنى بندخل من عند فندق الماسة ومنطقة الداون تاون عشان نقدر نوصل للحى الحكومى هى امتداد الحى الحكومى على طول فىهى المنطقة متحاوطة من 3 اتجاهات بمناطق مميزة جدا اتجاه على محور بن زايد الشمالى والنهر الاخضر الاتجاه الثانى فندق الماسة الاتجاه الثالث على الحى الحكومى ودا اللى مدى المنطقة التميز بتاعها من اول ميزة هى اللوكيشن والموقع بتاعها
- منطقة الداون تاون نفسها عبارة عن منطقة تجارية هيبقى فيها كثافة عالية جدا يعنى بنتكلم على كثافة وسط البلد خان الخليلي رمسيس تحرير وجبنا كل الكثافة دى وحطناها فى منطقة تجارية واحدة وهى الداون تاون بجوارهم الحى الحكومى يعنى كثافة الحى الحكومى مع كثافة المولات التجارية اللى موجودة فى الداون تاون هيخلى فى ترافك عالى جدا موجود فى المنطقة
- هنتكلم عن المولات اللى موجودة داخل الداون تاون فى اكثر من شكل ونوع للمولات يعنى فى مولات عبارة عن مولات ارضى و5 ادوار وفى اكثر كلها تجارية بس وفى جزء متخصص عبارة عن شركات تامين وفى جزء تانى متخصص عبارة عن شركات كمبيوتر وفى مولات مختلفة الاستخدام عبارة عن ارضى و8 ادوار بيبقى ارضى واول وثانى تجارى وباقى الادوار ادارى وطبى وفى جزء مخصص هتبقى عبارة عن شركات ادوية وفى جزء فى الداون تاون مخصص منطقة ابراج وفى منطقة مخصصة اسمها سوق الذهب وفى جزء مخصص لشركات البترول وفى مبني كبير الداتا سنتر اللى بيدير العاصمة الادارية كلها اللى هيكون فى كاميرات المراقبة اللى موجودة فى العاصمة الادارية واشارات المرور وخلافه وفى جزء مخصص ادارى فقط وهيكون قريب جدا من الوزارات فبالتالى هتكون من المولات المميزة وفى جزء مخصص للتراث والفنون وهيكون جمبه على طول الجزء السياحى هيكون على محور بن زايد الشمالى على طول نقطة التميز من مكان لاخر بتختلف حسب اللوكيشن والتخصص طبعا
- لو اتكلمنا عن مميزات وعيوب المنطقة خلينا نقول ان من اهم مميزات المنطقة الموقع بتاعها طبعا على محور بن زايد الشمالى وفندق الماسة والحديقة المركزية تانى ميزة منطقة كثافة عالية جدا يعنى حجم وعدد المولات الموجودة سواء للقطاع الخاص او المتخصصة لشركات البترول او الادوية او مولات المخصصة لسوق الذهب كل دا هيعمل كثافة ممتازة للمنطقة وهيخلى المنطقة منطقة ترافك عالى جدا ثالث ميزة للمنطقة التنوع فى تنوع كويس للمنطقة من شركات لمناطق تجارية والابراج والسياحى والادارى والتجارى كل دا هيخلى المكان يشتغل بسرعة كويسة ويمكن رابع ميزة حاليا هو سعر المتر الادارى اننا ممكن نلاقى سعر المتر فى الادارى 20 الف للمتر ودا هيخلى اللى معاه ميزانية بسيطة يقدر يستثمر فى العاصمة بسهولة ودا مكنش موجود قبل منطقة الداون تاون
- عيوب المنطقة ان سعر المتر فى التجارى غالى شوية ثانى عيب صعوبة الاختيار عدد المولات الكتير الموجود جوا المنطقة مخلى فى حيرة اكيد بسبب المقارنات الكتير والاسعار المختلفة هلاقى تفاوت فى الاسعار كبير فبالتالى مش هبقى قادر اقرر ايه احسن حاجة وانسب مكان ليا ودا هيخلينى احتاج حد فاهم اكتر منى يدينى النصيحة فين المكان الكويس ثال عيب الكثافة العالية جدا فادا سلاح ذو حدين ان الكثافة الكتير دى هتخلى حركة المنقة فى البداية مع التسليم مش الحركة السريعة فى الاشغال
دا شرح سريع لمنطقة الداون تاون عن المولات اللى هناك وانواعها وتميزها ومميزاتها وعيوبها وهنتكلم اكثر عن الداون تاون والعاصمة الادارية بشكل مفصل فى مواضعنا الجاية تابعونا
تقدروا تشوفوا كل دا على الطبيعة على قناه اليوتيوب بنتكلم على العاصمة الادارية والقاهرة الجديدة والتجمع الخامس بكل تفاصيلهم ومن الواقع اضغط هنا
by fatma
