السلام عليكم ورحمة الله وبركاته.. معاكم محمد المهدي.. مدير مبيعات الشركة العربية.. برجعلكوا تاني بفيديو جديد.. بديكوا خلفية عن الموقع اللي موجودين فيه وبنحاول نصور فيديوهات لايف كتير بحيث أننا نشوف المواقع الموجودة في مدينة القاهرة الجديدة والتجمع الخامس.
المنطقة اللي على ايدي اليمين دي منطقة الياسمين وهي يمين الكاميرا وانتوا باصين عليا.. دي منطقة الياسمسن فيلات وهي من المناطق المميزة جدا في التجمع الخامس والقاهرة الجديدة.. وزي ما انتوا شايفين المنطقة اللي على ايدي الشمال ورا دي منطقة جنوب الأكاديمية.
احنا واقفين على حدود شارع التسعين الشمالي.. لو بصيتوا على التسعين هتلاقوا العربيات ماشية ورايحة وجاية, وفي ضهري الشارع العمودي عليه وهو شارع مصطفى كامل, ولو بصينا هنلاقي كمبوند الليك فيو وهو من الكمبوندات المعروفة جدا لأنه واصل مابين التسعين الجنوبي والتسعين الشمالي.. ما بين النرجس فيلات وما بين جنوب الأكاديمية والياسمين فيلات.. ولو بصينا هنلاقي برده نادي بتروسبورت اللي بيتلعب فيه ماتشات الدوري المعروفة دلوقتي سواء للأهلي أو للزمالك أو لكل فرق الدوري الموجودة.
اللي عاوز أوصلهلكوا إننا بنتكلم على منطقة الياسمين وجنوب الأكاديمية.. دي منطقة من مناطق الفيلات المشهورة جدا القاهرة الجديدة والتجمع الخامس ومن الحاجات اللي بتميزها موقعها الإستيراتيجي, حيوية الموقع, مناطق الخدمات.. كل الكلام ده بيميز الياسمين وهي زي ما انتوا شايفين بدروم وأرضي ودورين وبتتقسم لشقق أو لفيلات كاملة.
وبالتالي يبقى واضح بالنسبالنا لو عاوزين شقة مميزة جدا في الفيلات في التجمع الخامس.. المنطقتين دول من أرقى المناطق الفيلات الموجودين ويتراوح الأسعار فيهم سعر المتر من أول 9000ج لحد 11000ج و12000ج حسب الموقع وحسب طريقة التسهيلات.
معروض عندنا شقق فيهم كتير وعندنا حاجات كتير لو عاوزين تعرفوا عنها, عندنا نصف تشطيب ومتشطب, وبنسوق الحاجات دي كلها زي ما قولنالكوا قبل كدة احنا شركة بروكر بنسوق للغير.
على كل الأحوال أنا بديكوا الفيديو ده وبشرحهولكوا عشان أوريكوا إن ده مكان مميز جدا في التجمع الخامس, أي استفسار وأي شيء زي ما قولتلكوا قبل كدة حابين تسألوا عنها أسألوني على طول في الكومنتات, ابعتوا أي استفسار عاوزين تعرفوه عن كل ما يخص التجمع الخامس والقاهرة الجديدة وأنا معاكوا تاني بفيديوهات تانية جديدة في المرات الجاية..
وشكرا ليكوا كلكوا .. مع تحياتي.. محمد المهدي.. والسلام عليكم...
By Mohamed Elmahdy
للإستماع إلى الفيديو الخاص بهذا الموضوع اضغط هنا
لمتابعتنا على اليوتيوب اضغط هنا
لزيارة موقعنا العربية للتسويق والخدمات العقارية اضغط هنا
لمزيد من المعلومات عن فيديوهات محمد المهدي اضغط هنا
لمزيد من المعلومات عن عقارات التجمع اضغط هنا
.jpg)
Copy Right 2018
